रेखाको नयाँ ‘अन्दाज’

नायिका रेखा थापा अचेल आफ्नै होम प्रोडक्सनको नयाँ फिल्म
को छायांकनमा व्यस्त छिन् । उज्ज्वल घिमिरेद्वारा निर्देशित यो फिल्मको अधिकांश छायांकन सम्पन्न भैसकेको छ । नायिका रेखाका अनुसार फिल्मको करिव दश दिनको छायांकन मात्र बाँकि छ । फिल्मका केही दृष्य तथा गीतको छायांकनको लागि फिल्मको यूनिट केही दिनमै जोमसोमतर्फ जाँदैछ । फिल्ममा रेखाका अतिरिक्त जीवन लुईटेल तथा नयाँ नायक सबिन श्रेष्ठले मुख्य भूमिका निर्वाह गरेका छन् ।
यसैबीच रेखाले केही दिनअघि -गत सोमबार) फिल्मको एउटा तस्विर सार्वजनिक गरेकी छिन् । रेखाले फेसबुकको आफ्नै वालमा पोष्ट गरेको उक्त तस्विरमा उनी निकै सुन्दर तथा सेक्सी देखिएकी छिन् । रातो ईभिनिङ गाउनमा अत्यन्त आकर्षक देखिएकी रेखा ‘अन्दाज’ मार्फत पुनः लाखौं युवा दर्शकको मन जित्न सफल हुनेछिन् भन्ने कुरामा दुईमत छैन ।
रेखाले समाचारसंगैको यो तस्विर फेसबुकमा राखेपछि उनका फेसबुके साथीहरुले विभिन्न प्रतिक्रिया दिएका छन् । अधिकांशले रेखालाई यो तस्विरमा ‘सेक्सी’ देखिएको प्रतिक्रिया दिएका छन् । प्रतिक्रिया पढेर दंग परेकी रेखाले पनि राम्रो प्रतिक्रिया लेख्नले सबैलाई धन्यावाद दिएकी छिन् । ‘माई अन्दाज….रेखा थापा’ क्याप्सन राखिएको यो तस्विर हेरेर दर्शकले जे अन्दाज लगाए पनि रेखाले चित्त दुखाउने छैनन् भन्ने हाम्रो बुझाई छ ।